Mas maayong serbisyo publiko, gipasiugda sa duha-ka-adlawng seminar sa kapitolyo
- Details
- Published: Wednesday, 19 February 2025 12:03
- Written by DavNor PICKMO (Nestor H. Mata, Jr.)
- Views: 16
Gipahigayon ang duha ka adlaw nga seminar bahin sa Enhanced Basic Customer Service Skills with Ease of Doing Business in the Government Service alang sa mga piling mga empleyado sa Probinsyal nga Panggamhanan sa Davao del Norte sa Capitol Pavilion, DNSTC, Mankilam, Tagum City, Pebrero 18-19, 2025.
Si Provincial Human Resource Management Officer Edwin Palero, maoy mipadayag sa rason sa maong kalihokan, diin iyang gihatagan og gibug-aton ang panginahanglan sa maayong pagserbisyo sa katawhan ug ang pagpatuman sa mas episyenteng proseso sulod sa kapitolyo.
“So, that’s part of our design to improve our workforce. Why? Because we want to improve service delivery which is one of the major and essential goal sa Prime HRM which is improved or excellent public service. In other words, in one sentence, kung ang inyong client pag-uli sa balay nalipay, nagngisi tungod sa inyong pagserbisyo, mura’g epektibo ni siya nga training,” ingon ni Palero.
Samtang si Executive Assistant IV Jemuel Melmida ang mihatod sa mensahe ni Governor Edwin “Kuya Gov” Jubahib. Gipasiugda niya ang dakong tinguha ni Kuya Gov sa pagpalig-on sa kalidad sa serbisyo publiko aron mapadali ug mapaayo ang pagproseso sa tanang transaksyon sa kapitolyo.
“Kuya Gov Edwin Jubahib truly loves the people of Davao del Norte. His leadership is guided by his unwavering commitment to provide genuine and selfless service to every citizen. He works tirelessly to ensure that government services are accessible, fair and beneficial to all. As government employees, we must also reflect this dedication in our daily work. Let us follow his example by serving with honesty, integrity, and a sincere desire to improve the lives of our fellow citizens,” sulti ni Melmida.
Ang mga resource persons sa maong seminar naggikan sa Civil Service Commission Region XI nga gilangkoban nila Karla L. Maglana ug Ira P. Hierro, puros mga HR Specialist II.
Tinguha sa maong seminar nga mapaambit sa mga empleyado sa kapitolyo ang saktong pamaagi sa pagserbisyo sa katawhan. Samtang, kanunayng naningkamot ang Probinsyal nga Panggamhanan sa Davao del Norte nga mapausbaw ang kalidad sa tanang serbisyo sa kapitolyo.
Writer: Nestor Mata, Jr.
