<p dir="ltr">Unom ka talagsaong youth leaders ang gipasidunggan atol sa National Youth Volunteer Summit (NYVS) 2024 nga gipahigayon sa Tagum City Theater niadtong Disyembre 17, 2024. Ang summit nagtigom sa mga batan-on gikan sa nagkalain-laing dapit sa nasud aron ipasundayag ang ilang kontribusyon ug palig-onon ang liderato sa youth sector.</p> <p>Ang awardees mao sila Rurelyn Mandacawan, Mark Daniel Alcazar, Jerome Cabanayan, Jhosua Peralta, Carlo Joquino, ug Niño Ruary Boy Lagman. Gila sila isip Outstanding Youth Leaders of the Philippines tungod sa ilang talagsaong serbisyo ug liderato sa ilang komunidad. Ang mga gipasidunggan nakadawat og tokens, sertipiko, ug insentibo isip pag-ila sa ilang mga kalampusan.</p> <p>Gawas sa awarding, giatubang usab sa summit ang mga isyu kabahin sa National Action Plan on Youth, Peace, and Security ug ang pagpalig-on sa partisipasyon sa kabatan-onan. Si Bangsamoro Youth Commissioner Nas Dunding, usa sa mga keynote speakers, naghatag inspirasyon kabahin sa papel sa kabatan-onan isip lider ug boluntaryo.</p> <p><em>"Huwag po tayong matatakot at huwag po nating isipin na nag-aaksaya tayo ng panahon. Kung meron pong mga pagkakataon katulad nito na nakapagbibigay po tayo ng mga oras na maikwento yong kwento ng mga kabataan na katulad po natin, parati po natin isaisip at isapuso at isadiwa na lahat po ng kwento ng mga kabataang Pilipino, ng nga kabataang Bangsamoro, ay may kwenta,"</em> matud ni Dunding, nga naghisgot sa bililhon nga papel sa kabatan-onan sa kalamboan.</p> <p>Ang ubang mga speakers nagdasig sab sa mga kabatan-onan nga mosalmot sa kalihokan labi na sa Sangguniang Kabataan.</p> <p>Nagmalampuson ang kalihokan pinaagi sa suporta sa City Youth Development Office, Provincial Youth Development Office ubos sa liderato ni Governor Edwin I. Jubahib, Coexister Philippines, ug uban pang mga organisasyon.</p> <address>Writer: Lorna Tripoli</address> <div class="pr-images" style="width: 885px; margin-top: 22px; text-align: justify;"> <div class="pr-images-width" style="width: 49%; display: inline-block;"><a class="jcepopup noicon" href="/images/jf/images-news/2025/youthleaders-02.jpg" target="_blank" type="image/jpeg" data-mediabox-group="pri-may"><img src="/images/jf/images-news/2025/youthleaders-02.jpg" alt="" width="100%" height="NaN" ?
