Ubay-ubay na usab nga mga trabahante sa kapitolyo ang nakabenepisyo sa libreng konsultasyon sa ilang panglawas pinaaagi sa nagpadayong programang executive check-up sa probinsyal nga panggamhanan. Gilinyahan sa mga empleyado ang medical consultation niadtong Nobyembre 22, 2023 sa PEO Building, Provincial Capitol, Barangay Mankilam, Tagum City.

Gi-avail kini sa mga trabahador gikan sa nagkadaiyang departamento sa kapitolyo nga wala pa nakapakonsulta sukad nga gisugdan ang programa. Kini gidumalahan sa Provincial Health Office (PHO) kauban ang mga personahe sa Provincial Human Resource Management Office (PHRMO). Gikuhaan sa ilang mga vital signs sama sa timbang, blood pressure ug uban pang konsultasyon ug gilayon i-schedule ang mga nahisgotan alang sa laboratory test nga pagahimoon sa provincial hospitals sama sa Carmen ug Kapalong District Hospital.

Tinguha ni Governor Edwin "Kuya Gov" Jubahib nga tanang mga trabahante mopailalom niining kahigayonan alang sa pag-atiman sa maayong panglawas. Dako ang pagtoo sa gobernador nga ang himsog nga panghunahuna ug panglawas maoy pinakamaayo ug mas epektibong katambayayong niya sa paghatud sa serbisyo sa katawhan.

Samtang, nagpadangat sa mainitong pasalamat ang mga trabahante sa kapitolyo ngadto kang Kuya Gov sa libreng serbisyong medikal nga padayong gipatuman niini sa probinsya.

"𝘒𝘢𝘮𝘪 𝘯𝘢𝘭𝘪𝘱𝘢𝘺 𝘬𝘢𝘢𝘺𝘰 𝘮𝘢𝘰 𝘯𝘢𝘯𝘨 𝘢𝘮𝘰𝘯𝘨 𝘨𝘪-𝘢𝘷𝘢𝘪𝘭 𝘬𝘢𝘳𝘰𝘯 𝘶𝘨 𝘯𝘪𝘢 𝘢𝘯𝘨 𝘮𝘨𝘢 𝘯𝘢𝘨𝘬𝘢𝘭𝘢𝘪𝘯-𝘭𝘢𝘪𝘯𝘨 𝘵𝘳𝘢𝘣𝘢𝘩𝘢𝘯𝘵𝘦 𝘴𝘢 𝘯𝘢𝘨𝘬𝘢𝘭𝘢𝘪𝘯-𝘭𝘢𝘪𝘯𝘨 𝘥𝘦𝘱𝘢𝘳𝘵𝘢𝘮𝘦𝘯𝘵𝘰 𝘥𝘪𝘳𝘪 𝘴𝘢 𝘢𝘵𝘰𝘢𝘯𝘨 𝘱𝘳𝘰𝘣𝘪𝘯𝘴𝘺𝘢 𝘢𝘳𝘰𝘯 𝘱𝘶𝘥 𝘮𝘰-𝘢𝘷𝘢𝘪𝘭 𝘯𝘪𝘪𝘯𝘪𝘯𝘨 𝘰𝘧𝘧𝘦𝘳 𝘴𝘢 𝘢𝘵𝘰𝘯𝘨 𝘮𝘢𝘩𝘢𝘭 𝘯𝘨𝘢 𝘨𝘰𝘣𝘦𝘳𝘯𝘢𝘥𝘰𝘳 𝘯𝘨𝘢 𝘭𝘪𝘣𝘳𝘦𝘯𝘨 𝘱𝘢𝘬𝘰𝘯𝘴𝘶𝘭𝘵𝘢𝘯𝘨 𝘮𝘦𝘥𝘪𝘬𝘢𝘭 𝘱𝘢𝘳𝘢 𝘴𝘢 𝘵𝘢𝘯𝘢𝘯, 𝘢𝘳𝘰𝘯 𝘢𝘯𝘨 𝘵𝘢𝘯𝘢𝘯𝘨 𝘮𝘨𝘢 𝘵𝘳𝘢𝘣𝘢𝘩𝘢𝘯𝘵𝘦 𝘮𝘢𝘩𝘢𝘵𝘢𝘨𝘢𝘯 𝘰𝘨 𝘱𝘢𝘨𝘵𝘢𝘨𝘢𝘥 𝘢𝘯𝘨 𝘪𝘺𝘢𝘯𝘨 𝘱𝘢𝘯𝘨𝘭𝘢𝘸𝘢𝘴. 𝘐𝘯𝘨𝘰𝘯 𝘢𝘯𝘢 𝘬𝘢𝘥𝘢𝘬𝘰 𝘢𝘯𝘨 𝘨𝘶𝘨𝘮𝘢 𝘴𝘢 𝘢𝘵𝘰𝘯𝘨 𝘒𝘶𝘺𝘢 𝘎𝘰𝘷 𝘱𝘢𝘳𝘢 𝘴𝘢 𝘵𝘢𝘯𝘢𝘯,” sigon ni Emelito Baguio, usa ka personahe sa PGO.

Writer/Photos: Maria Lorna P. Tripoli