Liboan ka mga katawhan nga grabeng nabahaan sa lima ka mga barangay sa lungsod sa Braulio E. Dujali ang midawat sa relief foods niadtong Enero 21, 2024. Ang kinarton nga ayuda nagikan sa Department of Social Welfare and Development (DSWD) nga gipaagi ngadto sa Probinsyal nga Panggamhanan sa Davao del Norte.
Si Provincial Administrator Engr. Josie Jean R. Rabanoz, ang representante ni Governor Edwin "Kuya Gov" Jubahib, ug Mayor Atty. Leah Marie "Tata" Moral Romano, kauban ang mga pipila ka mga konsehal sa lungsod, si PSWDO Head Rosalinda Rapista, ug si PDRRMC Head Glenda Delideli, maoy nitunol sa hinabang sa mga biktima sa tubig-baha duyog sa mga barangay functionaries, army reservists ug uban pa.
Basi sa talaan sa PSWDO nga gipakita sa PTV Davnor News Team ang mga apektadong baryo ug pamilyang nabahaan mao ang mga mosunod:
Dujali 2,702
Tanglaw 2,457
New Casay 550
Cabay-angan 1,679
Magupising 784
Evacuation Center 206
Sa kinatibuk-an adunay 8,378 nga nakadawat sa relief foods sa nasampit nga lungsod. Kahibaloan nga pipila sa mga pamilya nibalik na sa ilang mga pinuy-anan apan aduna pay mga barangay sama sa Cabay-angan ang nagpabiling naglutaw sa tubig-baha.
Panaghiusa, pagtinabangay ug magmaampingon sa panahon sa kalamidad ang mensahe sa gobernador nga gipaabot ni PA Rabanoz ngadto sa mga katawhan. Ang probinsya nga gideklarang "under state of calamity" ning higayona kapin na 75 ka libo ka mga pamilyang biktima sa pagbaha sa sagunsong pag-ulan nga nidanyos sa agrikultura.
"𝘒𝘢𝘥𝘵𝘰𝘯𝘨 𝘔𝘰𝘯𝘥𝘢𝘺, 𝘱𝘢𝘨𝘴𝘶𝘨𝘰𝘥 𝘨𝘺𝘶𝘥 𝘴𝘢 𝘱𝘢𝘨𝘣𝘢𝘩𝘢 𝘴𝘢 𝘢𝘵𝘰𝘯𝘨 𝘱𝘳𝘰𝘣𝘪𝘯𝘴𝘺𝘢 𝘴𝘢 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦, 𝘥𝘢𝘭𝘪-𝘥𝘢𝘭𝘪 𝘥𝘢𝘺𝘰𝘯 𝘯𝘨𝘢 𝘯𝘢𝘬𝘪𝘱𝘢𝘨-𝘤𝘰𝘰𝘳𝘥𝘪𝘯𝘢𝘵𝘦 𝘢𝘯𝘨 𝘢𝘵𝘰𝘯𝘨 𝘩𝘢𝘭𝘢𝘯𝘨𝘥𝘰𝘯𝘨 𝘨𝘰𝘷𝘦𝘳𝘯𝘰𝘳 𝘴𝘪 𝘒𝘶𝘺𝘢 𝘌𝘥𝘸𝘪𝘯 𝘥𝘪𝘥𝘵𝘰 𝘴𝘢 𝘢𝘵𝘰𝘢𝘯𝘨 𝘮𝘨𝘢 𝘕𝘢𝘵𝘪𝘰𝘯𝘢𝘭 𝘈𝘨𝘦𝘯𝘤𝘪𝘦𝘴 𝘭𝘢𝘣𝘪 𝘱𝘢 𝘴𝘢 𝘋𝘚𝘞𝘋. 𝘚𝘰, 𝘥𝘢𝘬𝘰 𝘬𝘢𝘢𝘺𝘰 𝘪𝘺𝘢𝘯𝘨 𝘱𝘢𝘴𝘢𝘭𝘢𝘮𝘢𝘵 𝘯𝘨𝘢 𝘨𝘪𝘵𝘶𝘣𝘢𝘨 𝘢𝘯𝘨 𝘪𝘺𝘢𝘯𝘨 𝘱𝘢𝘨𝘩𝘢𝘯𝘨𝘺𝘰 𝘯𝘨𝘢 𝘮𝘰𝘵𝘢𝘣𝘢𝘯𝘨 𝘴𝘢 𝘱𝘢𝘨𝘩𝘢𝘵𝘢𝘨 𝘰𝘨 𝘮𝘨𝘢 𝘳𝘦𝘭𝘪𝘦𝘧 𝘧𝘰𝘰𝘥𝘴 𝘱𝘢𝘳𝘢 𝘴𝘢 𝘮𝘨𝘢 𝘯𝘢𝘣𝘪𝘬𝘵𝘪𝘮𝘢 𝘴𝘢 𝘣𝘢𝘩𝘢," ingon ni PA Rabanoz.
Samtang, usa ka residente sa Barangay Tanglaw nga si Marilou Bisana naghulagway sa nasinati nilang kalamidad.
"𝘓𝘪𝘴𝘶𝘥 𝘨𝘺𝘶𝘥 𝘬𝘢𝘢𝘺𝘰 𝘬𝘢𝘺 𝘯𝘢𝘢 𝘮𝘪 𝘣𝘢𝘭𝘢𝘺 𝘴𝘢 𝘗𝘶𝘳𝘰𝘬 3, 𝘴𝘢 𝘉𝘶𝘨𝘵𝘰𝘯𝘨 𝘛𝘢𝘭𝘪𝘴𝘢𝘺. 𝘎𝘳𝘢𝘣𝘦, 𝘵𝘢𝘨𝘢 𝘭𝘪𝘰𝘨 𝘨𝘺𝘶𝘥 𝘢𝘯𝘨 𝘵𝘶𝘣𝘪𝘨 𝘴𝘢 𝘵𝘶𝘨𝘬𝘢𝘳𝘢𝘯. 𝘓𝘶𝘰𝘺 𝘬𝘢𝘢𝘺𝘰 𝘢𝘯𝘨 𝘢𝘮𝘰𝘯𝘨 𝘮𝘨𝘢 𝘩𝘢𝘺𝘰𝘱 𝘯𝘢𝘯𝘨𝘢𝘭𝘶𝘮𝘰𝘴 𝘪𝘯𝘵𝘢𝘸𝘰𝘯. 𝘈𝘯𝘨 𝘶𝘣𝘢𝘯𝘨 𝘮𝘨𝘢 𝘱𝘪𝘴𝘰 𝘸𝘢𝘭𝘢 𝘨𝘺𝘶𝘺 𝘮𝘢𝘬𝘪𝘵𝘢. 𝘏𝘢𝘯𝘨𝘵𝘰𝘥 𝘬𝘢𝘳𝘰𝘯 𝘯𝘢𝘢 𝘱𝘢𝘺 𝘵𝘶𝘣𝘪𝘨 𝘴𝘢 𝘗𝘶𝘳𝘰𝘬 3, 𝘉𝘶𝘨𝘵𝘰𝘯𝘨 𝘛𝘢𝘭𝘪𝘴𝘢𝘺, 𝘴𝘢𝘬𝘰𝘱 𝘥𝘪𝘳𝘪 𝘴𝘢 𝘭𝘶𝘯𝘨𝘴𝘰𝘥 𝘴𝘢 𝘋𝘶𝘫𝘢𝘭𝘪," sulti ni Bisana.
Writer/Photo: Maria Lorna P. Tripoli