Gobernador sa dinaug-daug ug pobre, kini ang paghulagway ni Senator Ronald "Bato" Dela Rosa ngadto kang Governor Edwin "Kuya Gov" Jubahib atubangan sa bagang panon sa mga katawhan. Gikanayon niya nga si Gov. Jubahib ang nag-inusarang gobernador sa tibuok Pilipinas nga nisang-at og reklamo sa senado may kalabotan sa mulo sa liboan ka mga benepisyaryo sa programa sa Department Social Welfare Development Office nga mao ang Assistance to Individuals in Crisis Situation (AICS), sa pagkaltas sa ilang nadawat nga ayuda human nga kini gitunol sa DSWD. Kini ubos na sa imbestigasyon sa Senate Committee on Public Order & Dangerous Drugs nga gidumala ni Senator Bato. Gilaumang himoon ang ikaduhang senate hearing sa nasampit nga ayuda scam.
"𝘗𝘢𝘯𝘪𝘯𝘨𝘬𝘢𝘮𝘰𝘵𝘢𝘯 𝘯𝘢𝘵𝘰, 𝘱𝘢𝘯𝘪𝘯𝘨𝘬𝘢𝘮𝘶𝘵𝘢𝘯 𝘯𝘢𝘵𝘰 𝘯𝘢. 𝘔𝘢𝘰 𝘣𝘪𝘵𝘢𝘸 𝘯𝘨𝘢 𝘯𝘢𝘨-𝘪𝘮𝘣𝘦𝘴𝘵𝘪𝘨𝘢 𝘵𝘢 𝘱𝘢𝘳𝘢 𝘮𝘢𝘥𝘦𝘵𝘦𝘳𝘮𝘪𝘯𝘢𝘳 𝘬𝘶𝘯𝘨 𝘬𝘪𝘯𝘴𝘢 𝘵𝘰𝘯𝘨 𝘯𝘢𝘨𝘣𝘢𝘸𝘢𝘴. ‘𝘗𝘢𝘨 𝘮𝘢𝘬𝘶𝘩𝘢 𝘯𝘢 𝘯𝘢𝘵𝘰 𝘬𝘪𝘯𝘴𝘢 𝘵𝘰𝘯𝘨 𝘯𝘢𝘨𝘣𝘢𝘸𝘢𝘴, 𝘢𝘵𝘰 '𝘵𝘰𝘯𝘨 𝘱𝘢𝘨𝘢𝘱𝘢𝘺𝘭𝘢𝘯 𝘰𝘨 𝘬𝘢𝘴𝘰 𝘱𝘢𝘳𝘢 𝘮𝘢𝘶𝘭𝘪 𝘵𝘰𝘯𝘨 𝘬𝘸𝘢𝘳𝘵𝘢 𝘯𝘨𝘢 𝘥𝘢𝘱𝘢𝘵 𝘥𝘪𝘥𝘵𝘰 𝘴𝘢 𝘮𝘨𝘢 𝘳𝘦𝘤𝘦𝘱𝘪𝘦𝘯𝘵, 𝘪𝘣𝘢𝘭𝘪𝘬 𝘵𝘰 𝘯𝘪𝘺𝘢 𝘥𝘢𝘱𝘢𝘵," sumala ni Sen. Dela Rosa.
Samtang makusganong nagtoo ang nahisgotang senador nga ang ayuda scam sa AICS adunay mga politikong nagpaluyo.
"𝘈𝘥𝘶𝘯𝘢! 𝘒𝘢𝘺 𝘥𝘪𝘭𝘪 𝘮𝘢𝘯 𝘯𝘢 𝘮𝘢𝘯𝘨𝘪𝘴𝘶𝘨 𝘮𝘨𝘢 𝘵𝘢𝘸𝘩𝘢𝘯𝘢 𝘮𝘢𝘯𝘨𝘰𝘭𝘦𝘬𝘵𝘢 𝘬𝘶𝘯𝘨 𝘸𝘢𝘭𝘢𝘺 𝘯𝘢𝘨𝘴𝘶𝘨𝘰. 𝘕𝘢𝘢𝘺 𝘯𝘢𝘨𝘴𝘶𝘨𝘰 𝘯𝘪𝘢𝘯𝘢. 𝘚𝘰, 𝘮𝘢𝘣𝘢𝘭-𝘢𝘯 𝘯𝘢𝘵𝘰 𝘯𝘢 𝘬𝘶𝘯𝘨 𝘬𝘪𝘯𝘴𝘢𝘯𝘨 𝘮𝘨𝘢 𝘵𝘢𝘰 𝘯𝘨𝘢 𝘯𝘢𝘨𝘱𝘢𝘭𝘶𝘺𝘰 𝘯𝘪𝘢𝘯𝘢," dugang niya.
Sa pikas bahin si Senator Bato kauban si Governor Jubahib nitunol og mga relief foods sa mga biktima sa kalamidad resulta sa shearline ug trough sa low pressure area (LPA) nga nasinati sa tibuok probinsya.
Ang mga gitunolan sa relief goods mao ang mosunod:
Barangay Pagsabangan 2,299
Magatos 2,496
Cambanogoy 2,680
Buclad 999
Kauban ang taga-Provincial Social Welfare Development Office, si Provincial Administrator Engr. Josie Jean Rabanoz, PNP Provincial Director P/Col. Alexander Serrano, AFP, mga board members sama nila BM Nicandro "Nickel" Suaybaguio, Jr., BM Prospero "Popo" Estabillo, Jr., BM Francisco Remitar, Bise Mayor Renante Ayucan duyog sa pipila ka mga konseho sa Asuncion, mga miyembro usab sa konseho sa Tagum sama nila ni Konsehal Atty. Ana Alvarez, Konsehal Jan Dmitri S. Sator, Konsehal Ronald "Nono" Eliot, mga barangay functionaries ug uban pa.
Writer: Maria Lorna P. Tripoli
