Personal nga gitunol ni Governor Edwin “Kuya Gov” Jubahib ang insentibo sa mga Barangay Health Worker ug Barangay Tanod sa Lungsod sa Talaingod, Davao del Norte, niadtong Pebrero 6, 2024.
Mokabat sa 78 ka mga BHW ang nakadawat og tag-P1,000 ug 60 ka mga Brgy. Tanod ang nidawat og tag-P2,000.
Sa mensahe sa gobernador iyang giawhag ang mga barangay functionaries sa pagmintinar sa kahapsay ug kalinaw, sa ingon nga paagi magpadayon ang kalamboan nga kasamtangang natagamtaman sa mga katawhan sa maong lungsod.
“𝘏𝘢𝘯𝘨𝘺𝘰 𝘬𝘰 𝘴𝘢 𝘪𝘯𝘺𝘰𝘩𝘢, 𝘬𝘶𝘯𝘨 𝘯𝘢𝘢 𝘨𝘢𝘯𝘪 𝘮𝘨𝘢 𝘬𝘢𝘪𝘨𝘴𝘰𝘰𝘯𝘢𝘯 𝘯𝘢𝘵𝘰 𝘯𝘨𝘢 𝘯𝘢𝘨𝘭𝘪𝘩𝘰𝘬 𝘱𝘢 𝘴𝘢 𝘣𝘶𝘬𝘪𝘥, 𝘥𝘪𝘳𝘦𝘵𝘴𝘰 𝘯𝘢 𝘭𝘢𝘯𝘨 𝘯𝘨𝘢 𝘪𝘴𝘵𝘰𝘳𝘺𝘢 𝘯𝘨𝘢 𝘯𝘢𝘢 𝘱𝘢 𝘴𝘢 𝘨𝘳𝘶𝘱𝘰 𝘴𝘢 𝘕𝘗𝘈. 𝘜𝘯𝘺𝘢 𝘵𝘶𝘢 𝘯𝘢 𝘯𝘢𝘨𝘭𝘪𝘩𝘰𝘬 𝘴𝘢 𝘉𝘶𝘬𝘪𝘥𝘯𝘰𝘯, 𝘵𝘶𝘢 𝘴𝘢 𝘈𝘨𝘶𝘴𝘢𝘯 𝘰 𝘵𝘶𝘢 𝘴𝘢 𝘭𝘢𝘪𝘯𝘨 𝘥𝘢𝘱𝘪𝘵, 𝘶𝘯𝘺𝘢 𝘮𝘰𝘶𝘭𝘪 𝘴𝘢 𝘛𝘢𝘭𝘢𝘪𝘯𝘨𝘰𝘥, 𝘴𝘶𝘭𝘵𝘪𝘩𝘪 𝘯𝘪𝘯𝘺𝘰 𝘯𝘢 𝘶𝘯𝘥𝘢𝘯𝘨 𝘯𝘢,” matud ni Kuya Gov.
Gimandoan sab ni Kuya Gov ang mga brgy. tanod ug brgy. health workers sa pagreport kaniya sa mga illegal loggers nga moputol ug mopalusot og kahoy gikan sa mga kabukiran sa ilang mga barangay. Dugang niya nga iyang gukdon ug ipapriso ang mga illegal loggers kay kini usa sa mga hinungdan sa dakong pagbaha nga nasinatian sa probinsya.
“𝘔𝘢𝘰 𝘯𝘢𝘺 𝘱𝘳𝘰𝘣𝘭𝘦𝘮𝘢 𝘯𝘢𝘵𝘰 𝘬𝘢𝘺 𝘯𝘢𝘴𝘰𝘣𝘳𝘢𝘩𝘢𝘯 𝘵𝘢 𝘴𝘢 𝘪𝘭𝘭𝘦𝘨𝘢𝘭 𝘭𝘰𝘨𝘨𝘪𝘯𝘨, 𝘯𝘢𝘴𝘰𝘣𝘳𝘢𝘩𝘢𝘯 𝘵𝘢 𝘴𝘢 𝘱𝘢𝘨-𝘭𝘰𝘨𝘨𝘪𝘯𝘨 𝘬𝘢𝘯𝘪𝘢𝘥𝘵𝘰. 𝘒𝘢𝘳𝘰𝘯 𝘩𝘢𝘯𝘨𝘺𝘰 𝘬𝘰 𝘴𝘢 𝘪𝘯𝘺𝘰 𝘮𝘨𝘢 𝘵𝘢𝘯𝘰𝘥, 𝘵𝘢𝘨𝘢𝘪 𝘬𝘰 𝘯𝘪𝘯𝘺𝘰 𝘰𝘨 𝘳𝘦𝘱𝘰𝘳𝘵, 𝘮𝘨𝘢 𝘣𝘢𝘳𝘢𝘯𝘨𝘢𝘺 𝘩𝘦𝘢𝘭𝘵𝘩 𝘸𝘰𝘳𝘬𝘦𝘳𝘴, 𝘬𝘶𝘯𝘨 𝘯𝘢𝘢 𝘱𝘢𝘺 𝘯𝘢𝘨-𝘭𝘰𝘨𝘨𝘪𝘯𝘨 𝘴𝘢 𝘪𝘯𝘺𝘰𝘯𝘨 𝘣𝘢𝘳𝘢𝘯𝘨𝘢𝘺. 𝘎𝘢𝘯𝘪 𝘨𝘪𝘱𝘢𝘥𝘢𝘬𝘰𝘱 𝘯𝘢 𝘯𝘢𝘬𝘰 𝘵𝘰𝘯𝘨 𝘯𝘢𝘨-𝘭𝘰𝘨𝘨𝘪𝘯𝘨 𝘴𝘢 𝘗𝘪𝘱𝘪𝘴𝘢𝘯. 𝘎𝘪𝘱𝘢𝘴𝘶𝘣𝘪𝘥𝘢𝘩𝘢𝘯 𝘯𝘢𝘬𝘰’𝘨 𝘚𝘞𝘈𝘛, 𝘗𝘕𝘗, 𝘕𝘉𝘐, 𝘶𝘨 𝘢𝘯𝘨 𝘵𝘢𝘨𝘢-𝘗𝘌𝘕𝘙𝘖 𝘴𝘢 𝘱𝘳𝘰𝘷𝘪𝘯𝘤𝘦, 𝘨𝘪𝘱𝘢𝘴𝘶𝘣𝘪𝘥𝘢 𝘯𝘢𝘬𝘰 𝘱𝘢𝘳𝘢 𝘨𝘪𝘱𝘢𝘯𝘨𝘥𝘢𝘬𝘰𝘱 𝘢𝘯𝘨 𝘵𝘢𝘯𝘢𝘯𝘨 𝘮𝘨𝘢 𝘬𝘢𝘩𝘰𝘺 𝘥𝘪𝘥𝘵𝘰. 𝘞𝘢𝘭𝘢 𝘭𝘢𝘯𝘨 𝘯𝘢𝘢𝘣𝘵𝘪 𝘯𝘪𝘭𝘢 𝘬𝘶𝘯𝘨 𝘬𝘪𝘯𝘴𝘢𝘺 𝘯𝘢𝘨𝘱𝘶𝘵𝘰𝘭 𝘴𝘢 𝘬𝘢𝘩𝘰𝘺 𝘶𝘨 𝘬𝘢𝘳𝘰𝘯 𝘸𝘢 𝘱𝘢𝘺 𝘯𝘪𝘵𝘶𝘨-𝘢𝘯 𝘬𝘶𝘯𝘨 𝘬𝘪𝘯𝘴𝘢𝘺 𝘵𝘢𝘨-𝘪𝘺𝘢 𝘬𝘢𝘺 𝘱𝘢𝘳𝘢 𝘢𝘵𝘰𝘯𝘨 𝘬𝘢𝘴𝘰𝘩𝘢𝘯,” ingon sa gobernador.
Kauban ni Kuya Gov sa paghatud sa maong insentibo ang mga personahe sa Provincial Treasurer’s Office nga gipangunahan ni PTO Head Evelyn Espra. Anaa sab ang presensiya sa iyang mga executive assistant, mga konsehal sa Siyudad sa Tagum nga sila si Konsehal Ronald Eliot ug Konsehal Jan Dmitri Sator, ug Talaingod Vice Mayor Francisco G. Gipulla, Jr.
Writer: Nestor H. Mata, Jr.
